ເປີດເວທີປາໄສເສດຖະກິດຕາເວັນອອກຄັ້ງທີ 8 ທີ່ ສ ຣັດເຊຍ
ໜັງສືພິມກອງທັບຫວຽດນາມ ລາຍງານວັນທີ 10 ກັນຍາ, ໄດ້ເປີດເວທີປາໄສເສດຖະກິດສາກົນຕາເວັນອອກ ຄັ້ງທີ 8 (EEF 2023) ໄດ້ໄຂຂຶ້ນ
ຢູ່ມະຫາວິທະຍາໄລລັດຖະບານກາງຕາເວັນອອກໄກ ເທິງເກາະຣັສກີ (Russky) ຢູ່ນະຄອນວະລາດີໂວສຕັອບ Vladivostok, ສະຫະພັນຣັດເຊຍ.
ເວທີປາໄສຈະດຳເນີນໄປຮອດວັນທີ 13 ກັນຍາ, ໂດຍມີຄະນະຜູ້ແທນປະມານ 7.000 ຄົນ, ໃນນັ້ນ ມີທ່ານ ຈາງ ກົວຊິງ (Zhang Guoqing) ຮອງ
ນາຍົກລັດຖະມົນຕີຈີນ, ຄະນະຜູ້ແທນຫວຽດນາມ ນຳໂດຍທ່ານ ໂດ້ແທ່ງຈູງ ຮອງລັດຖະມົນຕີກະຊວງແຜນການ ແລະ ການລົງທຶນຕະຫຼອດຮອດຜູ້ທີ່
ກ່ຽວຂ້ອງທົ່ວໂລກເຂົ້າຮ່ວມ.
ທ່ານ ວະລາດິເມຍ ປູຕິນ ປະທານາທິບໍດີສະຫະພັນ ຣັດເຊຍ ໄດ້ສົ່ງຈົດໝາຍສະແດງຄວາມຊົມເຊີຍໄປຍັງເວທີປາໄສວ່າ: ນີ້ແມ່ນເວທີປາໄສທີ່ມີ
ອິດທິພົນຊື່ສຽງສາກົນສູງ ແລະ ສ້າງກາລະໂອກາດສຳຄັນໃຫ້ນັກທຸລະກິດ, ນັກການເມືອງ, ບຸກຄົນສາທາລະນະ ແລະ ນັກຊ່ຽວຊານທີ່ມາຈາກທົ່ວໂລກ
ເຂົ້າຮ່ວມການໂອ້ລົມສົນທະນາໂດຍກົງ. ຫົວຂໍ້ຂອງເວທີປາໄສປີນີ້ແມ່ນ “ເສັ້ນທາງໄປສູ່ການພົວພັນຄູ່ຮ່ວມມື, ສັນຕິພາບ ແລະ ວັດທະນາຖາວອນ” ໄດ້
ສ່ອງແສງໃຫ້ເຫັນຄວາມປາຖະໜາຂອງ ຣັດເຊຍ ໃນການສ້າງການພົວພັນກັບບັນດາຄູ່ຮ່ວມມືຕ່າງປະເທດທີ່ມີຄວາມສົນໃຈ.
ສິ່ງດັ່ງກ່າວ, ຍັງສະແດງໃຫ້ເຫັນວ່າ: ສະຫະພັນຣັດເຊຍ ພ້ອມເປີດອົກເປີດໃຈໃນການເຈລະຈາຮອບດ້ານກ່ຽວກັບບັນດາບັນຫາຮີບດ່ວນຂອງພາກ
ພື້ນ ແລະ ມີຈຸດປະສົງ ຕັ້ງໜ້າສືບຕໍ່ເຂົ້າຮ່ວມຄວາມພະຍາຍາມ ເພື່ອບຳລຸງສ້າງ, ຫຼໍ່ລ້ຽງການພົວພັນລະຫວ່າງບັນດາປະເທດໃນພາກພື້ນອາຊີ-ປາຊີຟິກ
ແລະ ປະກອບສ່ວນເຂົ້າໃນລະບົບບົນພື້ນຖານຄວາມສະເໝີພາບ, ຕ່າງຝ່າຍຕ່າງມີຜົນປະໂຫຍດ ແລະ ເຄົາຮົບ, ເພື່ອຜົນປະໂຫຍດອັນຊອບທຳຂອງທຸກ
ຄົນ. ການປຶກສາຫາລືໃນກອງປະຊຸມຄົບຄະນະ, ກອງປະຊຸມປຶກສາຫາລື ແລະ ກອງປະຊຸມໂຕະມົນກ່ຽວກັບຫົວເລື່ອງສະເພາະຂອງເວທີປາໄສຈະສຸມ
ໃສ່ແງ່ຫວັງເປີດກວ້າງການຮ່ວມມືດ້ານການຄ້າ, ການລົງທຶນ, ວິທະຍາສາດ ແລະ ເຕັກໂນໂລຊີ, ກຳນົດວິທີສ້າງລະບົບຕ່ອງໂສ້ການຜະລິດ ແລະ ພະລາ
ທິການແບບໃໝ່ທີ່ມີປະສິດທິຜົນສູງ, ຫັນລະບົບຄົມມະນາຄົມ ແລະ ພະລັງງານເປັນທັນສະໄໝ, ພ້ອມທັງຮັບປະກັນຄວາມໝັ້ນຄົງດ້ານສະບຽງອາຫານ
ແລະ ສິ່ງແວດລ້ອມໃນພາກພື້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/09/2023